ຄຳທັກທາຍຂອງຫົວໜ້າຄະນະກໍາມະການບໍລິຫານຈັດງານບຸນມະຫາວິທະຍາໄລໄກໄດ
ສະບາຍດີໝົດທຸກຄົນ!
ຂ້າພະເຈົ້າອິຊິຮະຊິມິວະໂກະຫົວໜ້າຄະນະກໍາມະການ, ຕ່າງໜ້າຄະນະກໍາມະການບໍລິຫານຈັດງານບຸນມະຫາວິທະຍາໄລໄກໄດຄັ້ງທີ98. ຂໍຂອບໃຈທຸກໆຄົນທີ່ເຂົ້າມາເບິ່ງເວັບໄຊ້ບຸນມະຫາວິທະຍາໄລໄກໄດ.
ບຸນມະຫາວິທະຍາໄລໄກໄດປິນີ້ເປັນການຈັດງານອອນລາຍປະຫວັດສາດທໍາອິດ. ພວກຂ້າພະເຈົ້າຄິດວ່າຕ້ອງມີຫລາຍທ່ານທີ່ລໍຄອຍການຈັດງານເປັນປົກກະຕິຢ່າງໃຈຈົດໃຈຈໍ່, ແຕ່ຕ້ອງຂໍອະໄພມານະທີ່ນີ້ທີ່ຜົນອອກມາບໍ່ເປັນໄປຕາມທີ່ຫຼາຍທ່ານຄາດຄິດ.
ອີກຢ່າງໜຶ່ງ, ຫົວຂໍ້ການໂຄສະນາຂອງບຸນມະຫາວິທະຍາໄລໄກໄດປີນີ້ແມ່ນ “ທາງສີ່ແຍກເຊື່ອມຕໍ່ບັນດາທ່ານກັບໂລກເຮົາ”
ໃນວິກິດພະຍາດລະບາດໂຄໂລນ້າ, ການໄປຕ່າງປະເທດແມ່ນບໍ່ໃຫ້ວ່າເລີຍ, ການເຄື່ອນໄຫວຢູ່ພາຍໃນກໍ່ເຊັ່ນດຽວກັນແມ່ນຢູ່ໃນສະພາບການຄວບຄຸມ. ການຈະໄດ້ພົບຫນ້າພົບຕາກັບໝູ່ໃນທຸກໆມື້ກໍ່ບໍ່ໄດ້ເປັນການພົບທີ່ງ່າຍໆເຊັ່ນກັນ.
ຕໍ່ກັບສະພາບປັດຈຸບັນດັ່ງກ່າວ, ໃນບຸນມະຫາວິທະຍາໄລໄກໄດແບບອອນລາຍ, ຄິດວ່າຢາກສົ່ງໂອກາດການຄົບຄ້າກັນລະຫວ່າງຄົນກັບຄົນ.
ບຸນມະຫາວິທະຍາໄລໄກໄດທີ່ເຮັດມາຢູ່ໃນຈໍພາບຢູ່ໃນມືຂອງເຈົ້າຂໍພາວະນາໃຫ້ມັນເປັນ “ທາງສີ່ແຍກ” ຂອງໃຜຄົນໜຶ່ງກັບເຈົ້າ, ຂອງໂລກເຮົາກັບເຈົ້າ.
ການກ້າວຍ່າງບຸນມະຫາວິທະຍາໄລໄກໄດໄປພ້ອມກັບຍຸກສະໄຫມທີ່ມີໂຄໂລນ້າ, ຈະເປັນການດີຖ້າໄດ້ຮັບການເບິ່ງແຍງຢ່າງອົບອຸ່ນຈາກນີ້ຕໍ່ໄປ.
ວັນທີ6ເດືອນ7ປີ2020
“ໄກໂກະໄຊ” ແມ່ນຫຍັງ?
“ໄກໂກະໄຊ” ແມ່ນບຸນທີ່ຈັດຢູ່ມະຫາວິທະຍາໄລໂຕກຽວການສຶກສາຕ່າງປະເທດ. ປີນີ້ແມ່ນຄົບຮອບ 98 ປີ
ບຸນນີ້ຈະຖືກຈັດໃນເດືອນ 11 ຂອງທຸກໆປີ ເປັນເວລາ 5 ມື້. ແລະຈະມີຄົນມາທ່ຽວຊົມປະມານ 31,000 ຄົນ
ບຸນນີ້ມີກິດຈະກຳຫຼາຍຢ່າງ ອຸດົມໄປດ້ວຍບັນຍາກາດແບບສາກົນທີ່ເປັນລັກສະນະພິເສດຂອງມະຫາວິທະຍາໄລໄກໄດ ແລະ ສາມາດມ່ວນຊື່ນເພີດເພີນໄປກັບຄວາມຮູ້ສຶກທີ່ຄ້າຍຄືກັບທ່ຽວຮອບໂລກ
ປີນີ້ບຸນມະຫາວິທະຍາໄລໄກໄດຈະຖືກຈັດຂຶ້ນໃນເວັບໄຊ້,
“ໄກໂກະໄຊ ເວັບ” ເປັນຕົ້ນຕໍ.
ເຮົາຈະໃຊ້ລັກສະນະພິເສດຂອງອິນເຕີເນັດທີ່ສາມາດຕິດຕໍ່
ຈາກບ່ອນໃດຫຼື ເວລາໃດກໍ່ໄດ້
ເພື່ອເປັນ “ທາງສີ່ແຍກ” ເຊື່ອມຕໍ່ບັນດາທ່ານກັບໂລກເຮົາ.
2017 MVP
ປະຫວັດທີ່ໄດ້ຮັບລາງວັນໃຫຍ່ສູງສຸດໃນການແຂ່ງຂັນບຸນມະຫາວິທະຍາໄລ.
31,109+
ຈໍານວນຜູ້ທີ່ໄດ້ມາທ່ຽວຊົມ ໄກໂກະໄຊ ປີກ່ອນນີ້
Twitter 5,300+
Facebook 5000+
Instagram 2000+
ຈໍານວນຜູ້ຕິດຕາມSNS
98years
ປະຫວັດສາດຂອງ“ໄກໂກະໄຊ“
ການແນະນຳກິດຈະກຳ
ນັກສຶກສາໄກໄດຕັ້ງໃຈກຽມໃຫ້ສຳເລັດມາ ຈຶ່ງເຊີນມາເຂົ້າຮ່ວມກິດຈະກຳນັ້ນໆເດີ
ອາຫານສາກົນ
ນັກສຶກສາປີທີ່1ໃນແຕ່ລະພາກວິຊາພາສາຈະແນະນຳແຕ່ລະປະເທດແລະເອກະລັກອາຫານຂອງຕົນ.
ໃນປີນີ້, ທ່ານຈະສາມາດອ່ານວິທີແຕ່ງອາຫານຂອງທຸກໆປະເທດໄດ້ຢູ່ໃນປຶ້ມຄູ່ມືນຳທ່ຽວທາງການຂອງບຸນໄກໄດ. ອ່ານປຶ້ມນັ້ນລອງເຮັດອາຫານທີ່ຈະກິນຢູ່ບຸນໄກໄດເອງເບິ່ງເດີ.
ລະຄອນທີ່ຈະສະແດງດ້ວຍພາສາຕ່າງປະເທດ
ນັກສຶກສາປີທີ່ 2 ໃນແຕ່ລະພາກວິຊາພາສາຈະໄປສະແດງລະຄອນດ້ວຍພາສາທີ່ເປັນວິຊາເອກຂອງເຂົາເຈົ້າ. ເຂົາເຈົ້າກະກຽມທຸກໆສິ່ງເລີ່ມແຕ່ການເລືອກເລື່ອງ ແລະຍັງຂຽນຊັບ(ຄຳບັນຍາຍ)ໃຫ້ຜູ້ຊົມເບິ່ງ.
ກິດຈະກຳທີ່ຄະນະກຳມະການບຸນໄກໄດຈະຈັດຂຶ້ນ
ນີ້ແມ່ນກິດຈະກຳທີ່ຈະຖືກຈັດຂຶ້ນໂດຍຄະນະກຳມະການບຸນໄກໄດ. ກິດຈະກຳນີ້ມີຄວາມນິຍົມຢ່າງຫຼວງຫຼາຍໃນທຸກໆປີ,ເຊັ່ນ ການທົດລອງມີປະສົບການໃສ່ເຄື່ອງນຸ່ງເອກະລັກຂອງແຕ່ລະປະເທດ, ການແຕ່ງໜ້າ, ກິດຈະກຳສຳລັບການສະໜັບສະໜູນນັກຮຽນທີ່ຈະເສັງໄກໄດໃນປີໜ້າແລະອື່ນໆ. ປີນີ້ພວກຂ້າພະເຈົ້າຈະກຽມກິດຈະກຳເຊີນຜູ້ກ່າວປາໄສມາອີກແລ້ວ! ທ່ານອາດຈະໄດ້ຟັງຜູ້ທີ່ຮູ້ຈັກນັ້ນມາກ່າວຄຳໂອວາດ…
ກິດຈະກຳທີ່ໄປສະແດງດົນຕີ ແລະອື່ນໆ
ສະມາຊິກຂອງສະມາຄົມຫຼາຍຢ່າງຈະໄປສະແດງດົນຕີ ແລະສະແດງຟ້ອນໃນ YouTube ທີ່ເປັນທາງການຂອງບຸນມະຫາວິທະຍາໄລໄກໄດ. ຈາກກຸ່ມທີ່ຟ້ອນຊົນເຜົ່າ ເຖິງກຸ່ມທີ່ສະແດງຕະຫຼົກ ແລະກຸ່ມຫຼາຍແນວຈະເຂົ້າຮ່ວມກິດຈະກຳນີ້.
ຕຸກກະຕາສັນຍາລັກທາງການ, “ທະຟຸກຸຈິລະ”
“ທະຟຸກຸຈິລະ” ແມ່ນຕຸກກະຕາສັນຍາລັກທາງການຂອງບຸນມະຫາວິທະຍາໄລໄກໄດ. ຕຸກກະຕານີ້ໄດ້ຖືກສ້າງຂື້ນມາຈາກໂຄງການ “ການໄປທ່ຽວທົ່ວໂລກແບບອິດສະຫລະ” ທີ່ເປັນຄຳຂວັນຂອງບຸນມະຫາວິທະຍາໄລໄກໄດ ຄັ້ງທີ່ 90.
ທະຟຸກຸຈິລະນີ້ໄດ້ລາງວັນທີ່ 2 ໃນງານວາງສະແດງຕຸກະຕາປະຈໍາມະຫາວິທະຍາໄລທົ່ວປະເທດຄັ້ງທີ່ 4. ໃນຄະນະນີ້ທ່ານກໍຈະສາມາດເຂົ້າໄປຊື້ສະຕິກເກີ້ ທະຟຸກຸຈິລະທີ່ຮ້ານLINEໄດ້ແດ່ເດີ້!